Mitt bidrag nr. 3 av 5 i ‪#‎poesistafetten  –
tidl. publisert på DB’s Diktkammer nov. -13 v/ baanzoo

Om maur og berekraftig framtid

spora i sanden 
er ikkje 
mine går 
ein annan veg 
blant kvist og 
grøne oreblad 
takkar eg 
mauren for 
framleis å arbeide 
for føda og fedre-
landet og jordas 
bevaring gjennom 
ikkje å sleppe ut 
meir co2 enn han 
bruker i tua heilt
utan innlagt vatn 
og hdtv lever han i 
berekraftig harmoni 
med seg sjølv og andre 
medan eg trasker vidare 
på leit etter el-kontakt 
til bilen og mi eiga 
berekraftige framtid 
ein stad mellom 
pensjonspoeng og 
skatteprosentar 
skal der óg 
ligge eit liv 
om ikkje blant 
spora i sanden 

reX

.